CM విజయ్ రాజకీయ వ్యూహం: AIADMK కు షాక్, స్టాలిన్ కు టెన్షన్

తమిళనాడులో CM విజయ్ తన మార్క్ పాలనతో సంచలనాలు సృష్టిస్తున్నారు. ముఖ్యమంత్రి పదవి చేపట్టిన 50 రోజుల్లోనే ప్రతిపక్ష పార్టీల ఎమ్మెల్యేలు వరుసగా రాజీనామాలు చేసి TVK లో చేరుతున్నారు.

ఇప్పటికే AIADMK కు చెందిన ఆరుగురు ఎమ్మెల్యేలు పదవులకు రాజీనామా చేసి TVK పార్టీలో చేరారు. రానున్న రోజుల్లో మరికొందరు ఎమ్మెల్యేలు కూడా రాజీనామాలు చేస్తారని ప్రచారం సాగుతుంది.

ఈ పరిణామాలు DMK పార్టీలో ప్రకంపనలు పుట్టిస్తున్నాయి. మాజీ CM స్టాలిన్ తమ పార్టీ ఎమ్మెల్యేలను కాపాడుకునేందుకు ప్రయత్నాలు మొదలుపెట్టారని పార్టీ వర్గాల్లో చర్చ జరుగుతుంది.

DMK స్థాపన 75వ వార్షికోత్సవ కార్యక్రమంలో స్టాలిన్ కీలక వ్యాఖ్యలు చేశారు. తమిళనాడులో ఎప్పుడైనా ముందస్తు ఎన్నికలు రావచ్చని, రాబోయే మూడు లేదా ఆరు నెలల్లో అసెంబ్లీ ఎన్నికలు జరగవచ్చని పేర్కొన్నారు. DMK కార్యకర్తలు సిద్ధంగా ఉండాలని పిలుపునిచ్చారు.

మరోవైపు MDMK పార్టీ DMK నేతృత్వంలోని కూటమి నుండి వైదొలిగింది. చెన్నైలో జరిగిన సర్వసభ్య సమావేశంలో ఈ నిర్ణయం తీసుకున్నారు. అయితే 20 గంటలు గడవకముందే MDMK లో 150 మందికి పైగా కీలక నేతలు DMK కండువా కప్పుకున్నారు. ఈ పరిణామం MDMK అధినేత వైకోను రాజకీయంగా ఇరకాటంలో పడేసింది.

మొత్తం మీద తమిళనాడులో విజయ్ బలం పెరుగుతుండగా పళనిస్వామి, స్టాలిన్ లాంటి నేతలకు వరుస షాకులు తగులుతున్నాయి. రానున్న రోజుల్లో తమిళ రాజకీయాలు ఇంకెన్ని మలుపులు తిరుగుతాయో చూడాలి.