ఆషాఢ మాసంలో శుభకార్యాలు ఎందుకు నిలిపివేస్తారు? పుణ్యబలం కోసం ఏం చేయాలి?

ఆషాఢ మాసంలో శుభ కార్యాలు నిర్వహించరు. ఈ మాసాన్ని 'శూన్య మాసం'గా పరిగణిస్తారు. పుణ్యం పెంచుకునే కార్యక్రమాలకు ప్రాధాన్యత ఇస్తారు.

పంచాంగం ప్రకారం, ఈ మాసంలో సూర్యుడు ఆర్ద్ర, పునర్వసు నక్షత్రాలలో సంచరిస్తాడు. పూర్ణిమ నాడు చంద్రుడు పూర్వాషాఢ లేదా ఉత్తరాషాఢ నక్షత్ర సమీపంలో ఉండటం వల్ల ఈ మాసానికి 'ఆషాఢ' అనే పేరు వచ్చింది. సూర్యుడు మిథునరాశిలో ఉండగా, ఎదురుగా ధనూరాశిలో మన్మథుడి మాసం (మార్గశిరం) ఉంటుంది. శివుడు మన్మథుణ్ణి దహించిన సందర్భాన్ని గుర్తుచేస్తూ ఈ మాసంలో శుభకార్యాలు నిలిపివేస్తారు.

అదే సమయంలో దక్షిణాయనం ప్రారంభమవుతుంది. పగటి సమయం తగ్గుతుంది. రాత్రి సమయం పెరుగుతుంది. శరీరాన్ని నియంత్రించుకోవడానికి ఆహార నియమాలు పాటిస్తారు.

ఈ మాసంలో మహిళలు ప్రత్యేక ఆచారాలు చేస్తారు. ఆషాఢ శుద్ధ పంచమి నాడు గోరింటాకు పెట్టుకోవడం తప్పనిసరి. కళ్లకు కాటుక ధరించడం, ఆకుపచ్చ లేదా పసుపు రంగు దుస్తులు ధరించడం, మహిళలకు బహుమతులు ఇవ్వడం వంటివి చేస్తారు. వారాహి నవరాత్రుల పేరిట అమ్మవారిని ఉపాసిస్తారు. ఒకే పూట భోజనం చేయడం, రాత్రి 8 గంటలకు ముందు భోజనం ముగించడం వంటి నియమాలు పాటిస్తారు. చాతుర్మాస్య వ్రతం కూడా ఈ నెల నుంచి ప్రారంభమవుతుంది.