తిరుమలలో భక్తుల రద్దీ కొనసాగుతోంది: సర్వదర్శనానికి 24-30 గంటల సమయం

తిరుమల శ్రీవారి దర్శనానికి భక్తుల రద్దీ ఇంకా భారీగా కొనసాగుతోంది.

గత గురువారం 70 వేల మందికి పైగా దర్శనం లభించగా, ఈ గురువారం 63,556 మంది మాత్రమే దర్శించుకున్నారు. వారాంతపు రద్దీతో వైకుంఠం క్యూ కాంప్లెక్స్ పూర్తిగా నిండిపోయింది. క్యూ లైన్లు గోగర్భం డ్యామ్ సర్కిల్ సమీపంలోని ఆక్టోపస్ భవనం వరకు కొనసాగుతున్నాయి.

టీటీడీ అధికారులు భక్తులకు ఇబ్బంది లేకుండా చర్యలు తీసుకుంటున్నారు. టోకెన్ లేని భక్తులకు సర్వదర్శనానికి దాదాపు 24 నుంచి 30 గంటల సమయం పడుతుందని టీటీడీ తెలిపింది. ₹300 టికెట్టు కలిగిన భక్తులకు ప్రత్యేక ప్రవేశ దర్శనానికి 6 గంటలు, సర్వదర్శనం టోకెన్లు పొందిన వారికి 8 గంటలు పడుతోంది.