కేతన్ అగర్వాల్ హత్య కేసులో కీలక సాక్షి, హోటల్ సిసిటీవీ ఫుటేజ్ స్వాధీనం

కేతన్ అగర్వాల్ హత్య కేసులో పోలీసు దర్యాప్తు కొత్త కోణంలో సాగుతోంది. ఈ హత్యకు సుపారి ఇచ్చేందుకు సియా, చేతన్ లు కుట్ర పన్నినట్లు దర్యాప్తులో వెల్లడైంది.

హత్య చేయడానికి మొదట ఒక వ్యక్తిని సంప్రదించారు. అతడు అంగీకరించినా, చివరి క్షణంలో భయంతో వెనక్కి తగ్గాడు. అదే వ్యక్తి ఇప్పుడు ఈ హత్య కేసులో ప్రధాన సాక్షిగా మారాడు.

ఈ సుపారి ఒప్పందం గురించి ఓ హోటల్లో చర్చించినట్లు గుర్తించారు. హోటల్‌కు సంబంధించిన సిసిటీవీ ఫుటేజ్‌ని పోలీసులు స్వాధీనం చేసుకున్నారు. ఈ ఫుటేజ్ ఆధారంగా విచారణ వేగవంతం చేస్తున్నారు.

పోలీసు విచారణను తప్పించుకోవడానికి నిందితులు ఒక జపనీస్ వీడియోను చూసినట్లు బయటపడింది. ప్రశ్నలకు ఎలా సమాధానం చెప్పాలో తెలుసుకునేందుకు రెండు గంటల వీడియో చూశారు. వీరి వెబ్ హిస్టరీ నుంచి ఆ వీడియో లింకులు లభించాయి. దీని ఆధారంగా దర్యాప్తు మరింత లోతుగా కొనసాగుతోంది.