రా ఎన్టీఆర్ వ్యవస్థాపకుడు సాయి రూప్ ‘ఊరు వాడపై’ సేవా కార్యక్రమం ప్రారంభం

రా ఎన్టీఆర్ ఆర్గనైజేషన్ వ్యవస్థాపకుడు సాయి రూప్ ‘ఊరు వాడపై’ పేరుతో ఒక కొత్త సేవా కార్యక్రమాన్ని ప్రారంభించారు. ఈ కార్యక్రమాన్ని ఎన్టీఆర్ జిల్లాలోని ఒక గ్రామం నుంచి మొదలుపెడతామని ఆయన ప్రకటించారు.

ఈ సందర్భంగా ఆయన మాట్లాడుతూ, మూడు దిశల్లో ఈ సేవా యజ్ఞం కొనసాగుతుందన్నారు. సేవతో యువ జాగృతి, మన ఊరు మన బాధ్యత, ఊరి మాట పాలకుల దాకా అనేవి ఆ మూడు స్తంభాలుగా ఉంటాయని వివరించారు.

ఎన్టీఆర్ పేరుకు మచ్చ తీసుకొచ్చే పనులు తాము ఎన్నడూ చేయబోమని సాయి రూప్ స్పష్టం చేశారు. తమ సేవా కార్యక్రమాలపై కొందరు తప్పుడు ప్రచారం చేస్తున్నారని, అయినా వెనుదిరగబోమని ఆయన నొక్కి చెప్పారు. ఈ కార్యక్రమం పోస్టర్‌ను ఈ సందర్భంగా విడుదల చేశారు.