మహేంద్రగిరి వారాహి సినిమా ప్రమోషన్‌లో థియేటర్లలో అమ్మవారి విగ్రహం

మహేంద్రగిరి వారాహి సినిమా చిత్రబృందం హైదరాబాద్ మూసాపేటలోని శ్రీరాములు థియేటర్‌లో వారాహి అమ్మవారి విగ్రహాన్ని ఏర్పాటు చేసి ప్రత్యేక పూజలు నిర్వహించింది. పలువురు సినీ ప్రముఖులు ఈ పూజల్లో పాల్గొన్నారు. నటుడు సుమంత్ ప్రధాన పాత్రలో నటిస్తున్న ఈ చిత్రానికి సంతోష్ దర్శకత్వం వహిస్తున్నారు.

తెలుగు రాష్ట్రాల్లోని ప్రముఖ థియేటర్లలో తాత్కాలికంగా వారాహి అమ్మవారి విగ్రహాలను ఏర్పాటు చేయనున్నట్లు చిత్రబృందం ప్రకటించింది. అమ్మవారి కథను ప్రేక్షకులకు చేరువ చేయడం ఈ ప్రమోషన్ లక్ష్యమని తెలిపారు. సినిమాను వీలైనంత త్వరలో విడుదల చేయనున్నామని దర్శక, నిర్మాతలు పేర్కొన్నారు.