ప్రపంచ AI సహకారానికి జిన్పింగ్ పిలుపు

షాంఘైలో జరుగుతున్న ప్రపంచ కృత్రిమ మేధస్సు సదస్సు (వరల్డ్ ఆర్టిఫిషియల్ ఇంటెలిజెన్స్ కాన్ఫరెన్స్) 2026 ప్రారంభోత్సవంలో చైనా అధ్యక్షుడు జిన్పింగ్ ప్రసంగించారు. ఏఐ ని విడివిడిగా అభివృద్ధి చేయడం కంటే ప్రపంచ దేశాలు కలిసి సమష్టిగా అభివృద్ధి చేస్తే మెరుగైన ఫలితాలు సాధించవచ్చని ఆయన పేర్కొన్నారు.

ఏఐ సాంకేతికత ఊహించని వేగంతో అభివృద్ధి చెందుతోందని, అయితే ఇది సమాజానికి సానుకూలంగా, మానవ శ్రేయస్సుకు ఉపయోగపడేలా చూడాలని జిన్పింగ్ అన్నారు. ఆలోచించే యంత్రాలతో మానవుడు ఎలా కలిసి నడవాలి, నిర్ణయాధికారాల్లో అల్గారిథమ్స్ భాగమైనప్పుడు భద్రతను ఎలా కాపాడాలి అనే ప్రశ్నలకు ప్రపంచ దేశాలు సమాధానాలు వెతకాలని సూచించారు.

దేశాల మధ్య డిజిటల్ విభజన పెరుగుతున్న నేపథ్యంలో ఏఐ ఫలితాలను అందరికీ చేర్చేందుకు సమాలోచనలు అవసరమని జిన్పింగ్ పిలుపునిచ్చారు. అభివృద్ధి చెందుతున్న దేశాలకు ఏఐ రంగంలో చైనా పూర్తి సహకారం అందిస్తుందని ప్రకటించారు. రాబోయే ఐదేళ్లలో 5000 పరిశోధన ప్రాజెక్టులు, శిక్షణా కార్యక్రమాలు, సహకార కేంద్రాలను ఏర్పాటు చేస్తామని వెల్లడించారు.