అస్సాంలో భారీ వరదలు; 61 మంది మృతి, వేలాది మంది నిరాశ్రయులు

అస్సాంలో ఎడతెరిపి లేకుండా కురుస్తున్న భారీ వర్షాలతో నదులు ఉదృతంగా ప్రవహిస్తున్నాయి. వరదల కారణంగా ఇప్పటి వరకు 61 మంది మృతి చెందినట్లు అధికారులు వెల్లడించారు. వేలాది మంది ప్రజలు ప్రభావితమయ్యారు. పలు గ్రామాలు జలదిగ్బంధంలో చిక్కుకున్నాయి.

NDRF, SDRF బృందాలు సహాయక చర్యలు చేపట్టాయి. నీటిలో చిక్కుకున్న వారిని సురక్షిత ప్రాంతాలకు తరలిస్తున్నారు. ఆహారం, తాగునీరు, వైద్య సదుపాయాలు అందిస్తున్నారు. వరదల నేపథ్యంలో ప్రజలు అప్రమత్తంగా ఉండాలని, నదీ తీర ప్రాంతాలకు వెళ్లవద్దని అధికారులు హెచ్చరించారు.

వాతావరణ శాఖ మరికొన్ని రోజుల పాటు భారీ వర్షాలు కురిసే అవకాశం ఉందని అంచనా వేస్తోంది. దీంతో వరద పరిస్థితి మరింత తీవ్రమయ్యే అవకాశం ఉండడంతో అధికార యంత్రాంగం అప్రమత్తంగా ఉంది. ప్రతి ఒక్కరినీ రక్షించేందుకు సహాయక బృందాలు శ్రమిస్తున్నాయని అధికారులు తెలిపారు.