అయోధ్య రామాలయ విరాళాల చోరీ: కుంభమేళా సమయంలోనే భారీ దోపిడీ, 8 మంది అరెస్ట్

అయోధ్య రామాలయ విరాళాల చోరీ కేసులో దర్యాప్తు చేస్తున్న ప్రత్యేక పోలీసు బృందం (SIT) కీలక వివరాలు వెల్లడించింది. 2025 ప్రారంభంలో జరిగిన కుంభమేళా సమయంలోనే ఆలయంలో భారీగా నగదు దోపిడీ జరిగినట్లు తేలింది.

పోలీసులు ఇప్పటికే ఈ కేసులో 8 మంది నిందితులను అరెస్ట్ చేశారు. విచారణలో ఈ మొత్తం కుట్రకు బావా-మరిడిలైన లవకృష్ మిశ్రా, అనుకల్ప్ మిశ్రా అనే వ్యక్తులు సూత్రధారులుగా ఉన్నట్లు తేలింది. కుంభమేళా రద్దీ, భారీగా వచ్చే విరాళాలను ఆసరాగా చేసుకుని వీరు దోపిడీ చేసినట్లు అధికారులు తెలిపారు.

మరోవైపు, విరాళాల నిర్వహణలో నిధుల దుర్వినియోగం జరిగిందన్న ఆరోపణలపై దర్యాప్తు కోసం అయోధ్య పోలీసులు ఎన్‌ఫోర్స్‌మెంట్ డైరెక్టరేట్ (ED)కు లేఖ రాశారు. ED త్వరలోనే విచారణ ప్రారంభించనుంది.

SIT కు దర్యాప్తును మరింత లోతుగా కొనసాగించేందుకు మరో 15 రోజుల గడువు పొడిగించారు. కేసులోని అన్ని కోణాల్లోనూ విచారణ పూర్తి చేసి దోషులపై కఠిన చర్యలు తీసుకుంటామని అధికారులు స్పష్టం చేశారు.