కరీంనగర్‌లో 9 ఏళ్లుగా ఖాళీగా ఉన్న 500 2BHK ఇళ్లు; కేటాయింపుపై అనిశ్చితి

కరీంనగర్ జిల్లా హుజూరాబాద్ మున్సిపల్ పరిధిలోని గణేష్ నగర్ కాలనీలో 500 2BHK ఇళ్లు నిర్మించారు. వీటిని 13 బ్లాకుల్లో తొమ్మిదేళ్ల క్రితం పూర్తి చేశారు. కానీ ఇప్పటివరకు వీటిని అర్హులైన లబ్ధిదారులకు కేటాయించలేదు.

ఇళ్లు ఖాళీగా ఉండటంతో అవి రాత్రి వేళల్లో అసాంఘిక కార్యకలాపాలకు అడ్డాగా మారాయి. ఈ ఇళ్లలో మద్యం, గంజాయి వినియోగం, జూదం కార్యకలాపాలు జరుగుతున్నాయి. తలుపులు, కిటికీలు, కరెంట్ వైర్లు, స్విచ్ బోర్డులు చోరీకి గురయ్యాయి.

ఈ ఇళ్ల కోసం 2,000కు పైగా దరఖాస్తులు వచ్చాయి. అధికారులు 500 మంది లబ్ధిదారులను ఎంపిక చేసి జాబితా సిద్ధం చేశారు. జాబితాలో అక్రమాలు జరిగాయని కలెక్టర్‌కు ఫిర్యాదులు అందాయి. దీంతో ఆ జాబితాను నిలిపివేసి రీసర్వే చేయించారు.

రీసర్వేలో గతంలో ఎంపికైన 500 మందిలో 212 మందిని అర్హులుగా గుర్తించారు. మిగిలిన ఇళ్లకు కొత్త దరఖాస్తుల నుంచి ఎంపిక చేస్తారా, పాత జాబితానే పరిగణనలోకి తీసుకుంటారా అనేది తేలాల్సి ఉంది. కొందరు మధ్యవర్తులు ఇల్లు ఇప్పిస్తామని డబ్బులు వసూలు చేస్తున్నారని ఆరోపణలు ఉన్నాయి.

కొందరు లబ్ధిదారులు తొమ్మిదేళ్లుగా ఇళ్ల కోసం ఎదురుచూస్తున్నామని తెలిపారు. ఇల్లు ఇవ్వకపోవడంతో తామే వాటిని ఆక్రమించాల్సి వచ్చిందని చెప్పారు. మా 23వ వార్డులో ఇప్పటివరకు ఏ పేదవారికీ ఇల్లు కేటాయించలేదని ఒకరు అన్నారు.

మున్సిపల్ కమిషనర్ మాట్లాడుతూ, రీసర్వే పూర్తి చేసి జాబితాను కలెక్టర్‌కు పంపినట్లు తెలిపారు. కలెక్టర్ ఆదేశాల మేరకు అర్హుల జాబితాను RDO కి పంపించామన్నారు. RDO విచారణ తర్వాత నివేదిక కలెక్టర్‌కు వెళ్లిందని చెప్పారు. కలెక్టర్ నేరుగా ప్రొసీడింగ్స్ జారీ చేస్తారని తెలిపారు.

తాజా రీసర్వే తర్వాత కూడా అర్హులకు ఇళ్లు దక్కుతాయా అనేది తేలాల్సి ఉంది.