తెలంగాణ అంటే తాగుడు కాదు, తరుణ్ భాస్కర్ పాత్ర నిర్దోషమైనది: బద్రప్ప గాజులా

దర్శకుడు బద్రప్ప గాజులా తన కొత్త సినిమా ‘క్రేజీ కళ్యాణం’లోని తరుణ్ భాస్కర్ పాత్రపై వచ్చిన విమర్శలకు స్పందించారు. మీడియా సమావేశంలో ఒక విలేకరి అడిగిన ప్రశ్నకు ఆయన స్ట్రాంగ్‌గా సమాధానం ఇచ్చారు. తెలంగాణ నేపథ్యంలో సాగే కథల్లో తాగుబోతు పాత్ర ఉంటుందనే అపోహ ఉందని, కానీ తన సినిమాలో తరుణ్ భాస్కర్ పోషించిన పాత్ర మద్యానికి బానిసైన వ్యక్తి కాదని స్పష్టం చేశారు.

ఆయన మాట్లాడుతూ, “తెలంగాణ అంటే తాగుబోతు కాదు. తరుణ్ భాస్కర్ పాత్ర చాలా ఇన్నోసెంట్‌గా, ఆసక్తికరంగా ఉంటుంది. ఆయన ఎవరికీ హాని చేయని క్యారెక్టర్. కథలోని సిచువేషన్ వల్ల ఎంటర్టైన్మెంట్, సిచువేషనల్ కామెడీ వస్తాయి కానీ తాగుడును ప్రమోట్ చేయడం లేదు” అని తెలిపారు. ఇటీవల కొన్ని సినిమాలు తెలంగాణ సంస్కృతిని తాగుడుతో ముడిపెట్టడంపై విమర్శలు వచ్చిన నేపథ్యంలో ఆయన ఈ వ్యాఖ్యలు చేశారు.