హిందూపురంలో కుటుంబ సమేతంగా ఓటు వేసిన బాలకృష్ణ, పని చేసే వారికి ఓటు వేయాలని పిలుపు

హిందూపురం నియోజకవర్గంలోని మూడో వార్డులో నటుడు, హిందూపురం MLA నందమూరి బాలకృష్ణ కుటుంబ సమేతంగా ఓటు వేశారు. ఆయనతో పాటు భార్య వసుంధర కూడా ఓటు వేశారు.

ఓటు వేసిన అనంతరం ఆయన మాట్లాడుతూ, పని చేసే వాడికి ఓటు వేయాలని, పని చేయని వాడికి ఓటు వేయకూడదని చెప్పారు. అభివృద్ధిని చూసి అభ్యర్థిని ఎంచుకోవాలని ఆయన సూచించారు.

ఓటు ప్రజాస్వామ్యంలో ప్రతి ఒక్కరి ప్రాథమిక హక్కు అని బాలకృష్ణ అన్నారు. ప్రతి ఒక్కరూ ఈ హక్కును వినియోగించుకోవాలని ఆయన కోరారు.

యువకులు ముందుకు వచ్చి తమ ఓటును సద్వినియోగపరచుకోవాలని ఆయన కోరారు. ఓటును వృథా చేయకూడదని సూచించారు.