బాలాపూర్ గణేష్ లడ్డూ వేలం ప్రారంభం; బిడ్ రూ.19 లక్షలకు చేరింది

బాలాపూర్ గణేష్ ఉత్సవ సమితి ఆధ్వర్యంలో లడ్డూ వేలం ప్రారంభమైంది. వేలం నిర్వహణ బాధ్యతను కొంగేటి లక్ష్మారెడ్డి చేపట్టారు.

ఈ కార్యక్రమానికి మాజీ మంత్రి సబితా ఇంద్రారెడ్డి, మాజీ ఎమ్మెల్యే తీగల కృష్ణారెడ్డి, ఇతర ప్రముఖులు హాజరయ్యారు. గత 33 ఏళ్లుగా వేలంలో పాల్గొంటున్న వారి పేర్లను నిర్వాహకులు ప్రకటించారు.

వేలం ప్రారంభ ధర రూ.1,116గా నమోదైంది. అనంతరం పలువురు వ్యాపారవేత్తలు, భక్తులు పోటీపడి క్రమంగా రూ.19 లక్షల వరకు బిడ్ చేశారు. రాజనాల రితిన్ రెడ్డి రూ.19 లక్షల అత్యధిక బిడ్ వేశారు. వేలం కొనసాగుతోంది.