బాలాపూర్ గణేష్ లడ్డూ వేలం: ₹450 నుంచి ₹35 లక్షలకు చేరిన చరిత్ర

హైదరాబాద్‌లోని బాలాపూర్ గణేష్ లడ్డూ వేలంలో 2025లో ధర ₹35 లక్షలకు చేరింది. కర్మాన్ ఘాట్కు చెందిన లింగాల దశరథ గౌడ్ ఈ లడ్డూను దక్కించుకున్నారు.

బాలాపూర్ లడ్డూ వేలం చరిత్ర ₹450తో మొదలైంది. 2019లో కొలను రామిరెడ్డి ₹17,60,000కు లడ్డూను కొనుగోలు చేశారు. 2020లో కరోనా కారణంగా వేలం రద్దయింది. ఆ ఏడాది లడ్డూను అప్పటి ముఖ్యమంత్రి కేసీఆర్‌కు అందించారు.

2021లో ఏపీ MLC రమేష్ యాదవ్, మర్రి శశాంక్ రెడ్డితో కలిసి ₹18,90,000కు లడ్డూను పొందారు. 2022లో వంకేటి లక్ష్మా రెడ్డి ₹24,60,000కు దక్కించుకున్నారు. 2023లో స్థానికేతరుడైన దయానంద రెడ్డి ₹27 లక్షలకు కొనుగోలు చేశారు.

2024లో స్థానికుడు కొలను శంకర్ రెడ్డి ₹30 లక్షలు, ₹1000 చెల్లించి లడ్డూను దక్కించుకున్నారు. 2025లో పోటాపోటీగా జరిగిన వేలంలో లింగాల దశరథ గౌడ్ అదనంగా ₹5 లక్షలు చెల్లించి మొత్తం ₹35 లక్షలకు లడ్డూను సొంతం చేసుకున్నారు.

వచ్చేసారి ధర మరో లక్ష నుంచి రెండు లక్షల వరకు పెరగవచ్చని ఉత్సవ సమితి అంచనా వేసింది.