బాసర జ్ఞాన సరస్వతి ఆలయంలో ఈ నెల 5వ తేదీ నుంచి అక్షరాభ్యాసం సేవలు; గర్భగుడి ప్రవేశం తాత్కాలిక నిలిపివేత

బాసర జ్ఞాన సరస్వతి ఆలయంలో ఈ నెల 5వ తేదీ నుంచి అక్షరాభ్యాసం సర్వదర్శనం సేవలు అందుబాటులోకి రానున్నాయి. ఆలయ EO అంజనాదేవి ఈ విషయాన్ని తెలిపారు.

ఇక 5వ తేదీ నుంచి అమ్మవారి గర్భగుడిలోకి భక్తుల ప్రవేశాన్ని తాత్కాలికంగా నిలిపివేస్తున్నట్లు చెప్పారు. శృంగేరి పీఠాధిపతి సూచనల మేరకు ఈ నిర్ణయం తీసుకున్నారు.

అయితే గర్భగుడిలో అమ్మవారి మూల విరాట్కు నిత్య పూజలు యధావిధిగా కొనసాగుతాయని ఆమె తెలిపారు. బాలాలయంలో అన్ని వైదిక క్రతువులు, ఉత్సవాలు, నిత్య పూజలు మామూలుగా జరుగుతాయి. టైమింగ్స్లో మార్పులు ఉండవు.

బాలాలయంలో ₹1000 చొప్పున అక్షరాభ్యాసం సేవ, ధ్యాన మందిరంలో ₹150 చొప్పున అక్షరాభ్యాసం సేవ తాత్కాలికంగా అందుబాటులో ఉంటాయి. భక్తుల రద్దీ దృష్ట్యా ఆలయ నిర్వహణ సాఫీగా సాగేందుకు ఈ నిర్ణయాలు తీసుకున్నట్లు EO అంజనాదేవి వివరించారు.