కెనడాలో కార్చిచ్చు విస్తరణ: 20,000 మందికి తరలింపు, ఎమర్జెన్సీ ప్రకటన

కెనడా లోని బ్రిటిష్ కొలంబియా ప్రావిన్స్‌లో కార్చిచ్చు విజృంభిస్తోంది. ఈ నేపథ్యంలో కెనడా ప్రభుత్వం ఈ ప్రాంతంలో అత్యవసర పరిస్థితి ప్రకటించింది. 20,000 మంది నివాసితులు వెంటనే సురక్షిత ప్రాంతాలకు తరలివెళ్లాలని అధికారులు ఆదేశించారు.

30 మీటర్ల ఎత్తు వరకు మంటలు ఎగసిపడుతున్నాయి, కొన్ని చోట్ల 200 అడుగులకు చేరే అవకాశం ఉంది. మంటల కారణంగా మెరుపులు కూడా నమోదయ్యాయి. భారీ సంఖ్యలో ఇళ్లు, కార్లు, ఇతర ఆస్తులు కాలిపోయాయి.

మంటలు వేగంగా వ్యాపించడంతో చాలా మంది మధ్యలో చిక్కుకుపోయారు. వారిని రక్షించడానికి సహాయక చర్యలు కొనసాగుతున్నాయి. శనివారం ఒక్క రోజే 23,500 ఎకరాలకు మంటలు వ్యాపించాయి, దీంతో మరో 12,000 మంది ప్రజలు ఆ ప్రాంతం నుంచి తరలివెళ్లారు.

సమ్మర్‌ల్యాండ్ ప్రాంతంలో మొదలైన ఈ కార్చిచ్చు గత వారం నుంచి కొనసాగుతోంది. అధికారులు మంటలను అదుపు చేసే ప్రయత్నంలో ఉన్నారు.