భద్రాచలం సీతారామచంద్రస్వామి ఆలయంలో ఆదివారం భక్తుల రద్దీ

భద్రాచలం సీతారామచంద్రస్వామి ఆలయంలో ఆదివారం భక్తుల రద్దీ ఎక్కువగా కనిపించింది. తెల్లవారుజాము నుంచే భక్తులు స్వామి దర్శనం కోసం బారులు తీరారు.

ఆలయంలో విశేష అభిషేకం నిర్వహించి, బంగారు పుష్పాలతో స్వామికి అర్చన చేశారు. ఆలయ పునర్నిర్మాణ పనులు జరుగుతున్నందున భక్తులను తూర్పు, పడమర మెట్ల నుంచి దర్శనానికి అనుమతిస్తున్నారు.

నిత్య కళ్యాణాలను మిథిలా ప్రాంగణంలో నిర్వహిస్తున్నారు. భక్తులు ఆలయ అధికారుల సూచనలు పాటిస్తూ దర్శనాలు చేసుకోవాలని అధికారులు తెలిపారు.