భద్రాచలం రామాలయ అభివృద్ధి పనులు ప్రారంభం; 586 కోట్ల బడ్జెట్

భద్రాచలం శ్రీ సీతారామచంద్ర స్వామి ఆలయ అభివృద్ధి, విస్తరణ పనులు ప్రారంభమయ్యాయి. తెలంగాణ ప్రభుత్వం ఈ ప్రాజెక్టుకు మొత్తం 586 కోట్ల రూపాయల బడ్జెట్ను కేటాయించింది. తొలి విడతగా 200 కోట్ల రూపాయలతో నిర్మాణ పనులు ప్రారంభించారు.

ఆలయ ప్రాంగణంలో దేవాదాయ శాఖ నిబంధనల ప్రకారం వేద పండితుల మంత్రోచ్చరణల నడుమ పూజలు నిర్వహించి, భద్రాచలం ఎమ్మెల్యే తెల్లం వెంకట్రావ్, జిల్లా కలెక్టర్ అంకిత్, దేవస్థానం ఈఓ కే దామోదర్రావ్ పనులను ప్రారంభించారు. గత ఏప్రిల్‌లో ముఖ్యమంత్రి రేవంత్ రెడ్డి ఈ ప్రాజెక్టుకు శంకుస్థాపన చేశారు. ఇటీవల రాష్ట్ర మంత్రి పొంగులేటి శ్రీనివాస్ రెడ్డి నిర్వహించిన ఉన్నత స్థాయి సమీక్షలో పనులు వేగంగా పూర్తి చేయాలని ఆదేశించారు.

వచ్చే ఏడాది శ్రీరామ నవమి బ్రహ్మోత్సవాల నాటికి ఈ నిర్మాణ పనులు భక్తులకు అందుబాటులోకి తీసుకురావాలని అధికారులు లక్ష్యంగా పెట్టుకున్నారు.