అగర్వాల్ హాస్పిటల్ డాక్టర్పై భార్య వేధింపుల ఫిర్యాదుతో కేసు నమోదు

హైదరాబాద్‌లోని రాజేంద్రనగర్‌లో అగర్వాల్ హాస్పిటల్ డాక్టర్ కండ్రగుంట శ్రీనివాసరావుపై పోలీసులు కేసు నమోదు చేశారు. ఆయన భార్య ఇచ్చిన ఫిర్యాదు మేరకు రాజేంద్రనగర్ మహిళా పోలీస్ స్టేషన్‌లో కేసు నమోదైంది.

పెళ్లయిన ఏడు రోజుల నుంచే శ్రీనివాసరావు తనను వేధించారని ఫిర్యాదులో పేర్కొన్నారు. తన స్నేహితులతో కలిసి ఉండాలని భార్యపై ఒత్తిడి తెచ్చారని ఆమె ఆరోపించారు. భార్య నిరాకరించడంతో దాడి చేసి, చంపుతానని బెదిరించారని ఫిర్యాదులో ఉంది.

మహిళా ఉద్యోగులకు అసభ్యకరమైన ఫోటోలు, వీడియో కాల్స్ పంపినట్లు కూడా ఆరోపణలు వచ్చాయి. డాక్టర్‌తో పాటు ఆయన కుటుంబ సభ్యులతో సహా మొత్తం ఆరుగురిపై పోలీసులు కేసు నమోదు చేశారు.

డాక్టర్ శ్రీనివాసరావును విచారణకు రావాలని పోలీసులు పలుసార్లు పిలిచినా ఆయన హాజరు కాలేదు. ఈ కేసులో పోలీసులు దర్యాప్తు కొనసాగిస్తున్నారు.