ఉజ్జయిని బోనాల్లో భారత్ స్కౌట్స్ & గైడ్స్ సేవలు

ఉజ్జయిని మహంకాళి ఆలయంలో బోనాల ఉత్సవాల్లో భారత్ స్కౌట్స్ & గైడ్స్ సికింద్రాబాద్ జిల్లా యూనిట్ సేవలు అందిస్తోంది. ఈ సేవలు 80 ఏళ్లుగా కొనసాగుతున్నాయి.

ఈ ఏడాది సైనిక్పురి యూనిట్ నుంచి 40-45 మందితోపాటు మొత్తం 70 మంది సభ్యులు ఉదయం 5 గంటల నుంచి సేవలు ప్రారంభించారు. పోలీసులతో కలిసి భక్తుల క్యూ నిర్వహణ, బోనం ముందుకు సాగటానికి సహాయం, ప్రథమ చికిత్స వంటి సేవలు అందిస్తున్నారు.

సికింద్రాబాద్ జిల్లా వివిధ పాఠశాలల నుంచి 8-10 మంది చొప్పున సభ్యులను ఎంపిక చేసి శిక్షణ ఇస్తారు. వీరిలో కొందరు 8 ఏళ్లుగా ఈ సేవల్లో పాల్గొంటున్నారు. కొత్త వాలంటీర్లకు ఇంటర్వ్యూ ద్వారా సెలక్ట్ చేసి విధులు అప్పజెబుతారు.

ఈ సేవలో తొలిసారి పాల్గొంటున్న విద్యార్థులు ఆలయంలో సేవ చేయడం తమకు బాధ్యతను తెలియజేస్తోందని, అమ్మవారి దర్శనం ఆనందంగా ఉందని తెలిపారు. సాయంత్రం 5 గంటల వరకు సేవలు కొనసాగుతాయని స్కౌట్స్ ప్రతినిధులు తెలిపారు.