హైదరాబాద్ HITEX లో ఈ నెల 12 నుంచి 14 వరకు భారత్ సమ్మిట్

హైదరాబాద్ HITEX లో ఈ నెల 12, 13, 14 తేదీల్లో భారత్ సమ్మిట్ జరగనుంది. దాదాపు 100 దేశాల నుంచి వచ్చే 450 మంది ప్రతినిధులను ఈ సదస్సుకు ఆహ్వానించారు.

ఈ అంతర్జాతీయ సదస్సుకు భారత్ సమ్మిట్ అని నామకరణం చేశారు. కార్యక్రమ ఏర్పాట్లను ఇండస్ట్రీ శాఖ చూస్తోంది. వివిధ దేశాల ప్రతినిధులకు ఆహ్వానాలను ఇండస్ట్రీ డిపార్ట్‌మెంట్ ఇప్పటికే పంపించింది.

కేంద్ర, రాష్ట్ర ప్రభుత్వాల సంయుక్త భాగస్వామ్యంతో ఈ సమ్మిట్‌ను నిర్వహిస్తున్నట్టు రాష్ట్ర ప్రభుత్వం స్పష్టం చేసింది. పలువురు కేంద్ర మంత్రులు, ఎంపీలు ఈ కార్యక్రమానికి హాజరవుతారు.

దేశాల మధ్య సత్సంబంధాలు పెంపొందించడం ఈ సమ్మిట్ లక్ష్యమని ప్రభుత్వం తెలిపింది. భారతదేశం ఇతర దేశాలతో మంచి సంబంధాలు కొనసాగించాలనే ఉద్దేశంతో ఈ సదస్సు నిర్వహిస్తున్నట్టు పేర్కొంది.

తెలంగాణలో ఇది మరో అంతర్జాతీయ సదస్సు. ఈ కార్యక్రమానికి సంబంధించిన ఏర్పాట్లను ఇండస్ట్రీ డిపార్ట్‌మెంట్ పర్యవేక్షిస్తోంది.