వినికిడి లోపం ఉన్న బాలుడికి డిప్యూటీ సీఎం భట్టి విక్రమార్క సాయం

ఖమ్మం జిల్లాకు చెందిన 16 ఏళ్ల బాలుడు లక్ష్మీ మనీష్ కు డిప్యూటీ సీఎం భట్టి విక్రమార్క వినికిడి మిషన్ కొనిచ్చారు. ఈ బాలుడు చిన్నప్పటి నుంచి చెవులు సరిగా వినిపించకపోవడంతో వైద్యులను సంప్రదించాడు.

వైద్యులు ₹6 లక్షల ఖర్చుతో వచ్చే వినికిడి మిషన్ కొనాలని సూచించారు. కానీ ఆ స్థాయిలో డబ్బు చెల్లించే స్థోమత కుటుంబానికి లేదు. దీంతో బాలుడు డిప్యూటీ సీఎం భట్టి విక్రమార్కను కలిసి సహాయం కోరాడు.

ఆగస్టు 10న భట్టి విక్రమార్క వినికిడి మిషన్ కొనిచ్చి బాలుడి చెవికి అమర్చారు. ప్రస్తుతం తనకు మెరుగ్గా వినిపిస్తోందని బాలుడు చెప్పాడు.

కృతజ్ఞతగా ఆ బాలుడు భట్టి విక్రమార్క బొమ్మను స్వయంగా గీశాడు. దానిని ఫ్రేమ్ చేయించి డిప్యూటీ సీఎంకు బహుమతిగా ఇచ్చాడు. అనంతరం ఆయనకు నమస్కరించి ధన్యవాదాలు చెప్పాడు.