భోగాపురం విమానాశ్రయంలో కార్యకలాపాలు ప్రారంభం; విశాఖలో వాణిజ్య విమాన సేవలు నిలిపివేత

భోగాపురం విమానాశ్రయంలో కార్యకలాపాలు అర్ధరాత్రి 12 గంటల తర్వాత ప్రారంభమయ్యాయి. కొత్త విమానాశ్రయానికి VTZ విమానాశ్రయ కోడ్ బదిలీ చేశారు. విమానాశ్రయంలో lamp lighting కార్యక్రమం జరిగింది.

ఉదయం 6:45 గంటలకు హైదరాబాద్ నుంచి తొలి ప్రయాణిక విమానం భోగాపురంలో ల్యాండ్ కానుంది. ఉదయం 7:30 గంటలకు హైదరాబాద్ వెళ్లే ఇండిగో విమానం టేకాఫ్ కానుంది. ఉదయం 8 గంటలకు బెంగళూరు వెళ్లే తొలి విమానం బయలుదేరనుంది.

తొలి విమానంలో ప్రయాణించే వారికి ఫస్ట్ ఫ్లైట్ సర్టిఫికెట్ అందజేయనున్నారు. ఎయిర్‌లైన్స్ సిబ్బంది ప్రయాణికులతో కేక్ కటింగ్ నిర్వహించనున్నారు.

మరోవైపు విశాఖ విమానాశ్రయంలో వాణిజ్య విమాన సేవలు గత అర్ధరాత్రి నుంచి నిలిచిపోయాయి. విశాఖ నుంచి ఢిల్లీకి వెళ్లిన చివరి ఇండిగో విమానం టేకాఫ్ అయిన తర్వాత ప్రయాణిక విమానాలు ఆగాయి. ఢిల్లీ నుంచి విశాఖకు 6E213 ఇండిగో విమానం చివరిగా చేరింది.

MLA విష్ణుకుమార్ రాజు మాట్లాడుతూ విశాఖ విమానాశ్రయం కూడా కొనసాగాలని అన్నారు. విమానాశ్రయం మూసివేత వల్ల ఉపాధి కోల్పోయామని అవుట్సోర్సింగ్ సిబ్బంది బాధ వ్యక్తం చేశారు.