బీహార్‌లో 34 ఏళ్ల నాటి హత్య కేసులో 84 ఏళ్ల వృద్ధుడికి 3 ఏళ్ల జైలు శిక్ష

బీహార్‌లోని వైశాలి జిల్లా కోర్టు 34 ఏళ్ల నాటి ఒక హత్య కేసులో 84 ఏళ్ల వృద్ధుడితో సహా ఒకే కుటుంబానికి చెందిన ఐదుగురికి శిక్ష విధించింది. వృద్ధుడు దీపారాయ్‌కు మూడేళ్ల జైలు శిక్ష, మిగతా నలుగురికి 10 ఏళ్ల జైలు శిక్ష విధించింది. ఈ ఐదుగురికి రూ.25,000 చొప్పున జరిమానా కూడా పడింది.

1992 నవంబర్‌లో జురావాన్‌పూర్ గ్రామంలో అదాలత్రాయ్, ఆయన భార్య రామసఖీ దేవి ఇంటి బయట కూర్చున్న సమయంలో ఈ సంఘటన జరిగింది. నడక దారిలో నిందితులు గాజుపెంకులు చల్లడంతో దంపతులు నిలదీశారు. దీంతో నిందితులు వారిపై దాడి చేసి తుపాకులతో కాల్పులు జరిపారు. ఈ కేసులో పోలీసులు 1993 మార్చిలో చార్జ్ షీట్ దాఖలు చేశారు.

34 ఏళ్ల సుదీర్ఘ విచారణలో ఐదుగురు నిందితుల్లో నలుగురు మరణించారు. చివరికి సజీవంగా మిగిలిన ఏకైక నిందితుడు దీపారాయ్‌కు మూడేళ్ల జైలు శిక్ష విధిస్తూ కోర్టు తీర్పు ఇచ్చింది. వయసును దృష్టిలో ఉంచుకొని కోర్టు ఆయనకు తాత్కాలిక బెయిల్ మంజూరు చేసింది. మరణించిన నలుగురికి విధించిన శిక్షను అమలు చేసే అవకాశం లేదు.