మోయినాబాద్‌లో బైక్ దొంగల అరెస్ట్.. 8 ద్విచక్రవాహనాలు స్వాధీనం

రంగారెడ్డి జిల్లా మోయినాబాద్ పోలీస్ స్టేషన్ పరిధిలో బైక్ దొంగల ముఠాను పోలీసులు అరెస్ట్ చేశారు. ఈ ముఠా ప్రధాన సూత్రధారి మహమ్మద్ షాబాస్‌తో పాటు ఇద్దరు మైనర్లను అదుపులోకి తీసుకున్నారు. నిందితుల నుంచి ఎనిమిది ద్విచక్రవాహనాలను స్వాధీనం చేసుకున్నారు.

పోలీసుల వివరాల ప్రకారం నిందితులు మేదీపట్నం నుంచి బైక్‌పై వచ్చేవారు. పార్కింగ్ చేసిన బైకులను గమనించి, లాకులు ధ్వంసం చేసి దొంగిలించేవారు. వాహన యజమానులు సాధారణ లాక్‌తో పాటు అదనపు లాక్ కూడా ఉపయోగించాలని పోలీసులు సూచించారు.

ఈ కేసులో పోలీసులు దర్యాప్తు కొనసాగిస్తున్నారు. నిందితులపై కేసు నమోదు చేసినట్లు అధికారులు తెలిపారు.