కామారెడ్డి మున్సిపాలిటీ బిల్లుల చెల్లింపుల్లో అవకతవకల ఆరోపణ, కలెక్టర్‌కు బీజేపీ ఫిర్యాదు

కామారెడ్డి మున్సిపాలిటీ బిల్లుల చెల్లింపుల్లో అవకతవకలు జరిగాయని బీజేపీ కౌన్సిలర్లు ఆరోపించారు. నూతన పాలకవర్గం ఏర్పడిన నాలుగు నెలల కాలంలో దాదాపు రూ.1.70 కోట్ల నిధుల వినియోగంలో అక్రమాలు జరిగినట్లు అనుమానం వ్యక్తం చేశారు.

ఈ మేరకు వారు జిల్లా కలెక్టర్‌కు ఫిర్యాదు చేశారు. ఎస్బీఐకి సంబంధించి సుమారు రూ.1.13 కోట్లు, SDRF కి సంబంధించి సుమారు రూ.60 లక్షల చెల్లింపులు అనుమానాస్పదంగా ఉన్నాయని వారు పేర్కొన్నారు. గత నాలుగు నెలల్లో మొత్తం సుమారు రూ.3 కోట్ల పేమెంట్లు జరిగాయని, అందులో ఈ రెండు అంశాలు అవకతవకలకు పాల్పడినట్లు తెలిపారు.

సమగ్ర విచారణ జరిపి బాధ్యులపై చర్యలు తీసుకోవాలని బీజేపీ కౌన్సిలర్లు డిమాండ్ చేశారు. త్వరలో ఎన్ఫోర్స్‌మెంట్ డైరెక్టరేట్, విజిలెన్స్ విభాగాలకు కూడా ఫిర్యాదు చేస్తామని హెచ్చరించారు.

ఈ ఆరోపణలపై మున్సిపాలిటీ అధికారులు లేదా ఇతర పాలక వర్గం నుండి ఎలాంటి స్పందన లభించలేదు.