బీజేపీ నాయకుడు పిల్లి రామరాజు యాదవ్ చేతుల మీదుగా నల్గొండ విద్యార్థులకు నోట్‌బుక్స్ పంపిణీ

నల్గొండ కేంద్రంలోని ప్రభుత్వ పాఠశాల విద్యార్థులకు బీజేపీ రాష్ట్ర నాయకుడు పిల్లి రామరాజు యాదవ్ ఉచితంగా నోట్‌బుక్స్, పెన్నులు పంపిణీ చేశారు.

ఆర్కేఎస్ ఫౌండేషన్ ఆధ్వర్యంలో నిర్వహించిన ఈ కార్యక్రమంలో సుమారు 450 మంది విద్యార్థులకు నోట్‌బుక్స్, పెన్నులు, పెన్సిల్లు, ఎగ్జామ్ ప్యాడ్‌లు అందించారు.

కేంద్రంలో నరేంద్రమోదీ ప్రభుత్వం 12 సంవత్సరాలు పూర్తి చేసుకున్న సందర్భంగా ఈ పంపిణీ చేపట్టినట్లు రామరాజు తెలిపారు. ఆర్కేఎస్ ఫౌండేషన్ ఆధ్వర్యంలో గత దశాబ్ద కాలంగా పేదలకు, విద్యార్థులకు సహాయం అందిస్తున్నట్లు ఆయన చెప్పారు.

ఇటీవల కేంద్ర మంత్రి బండి సంజయ్ నిర్వహించిన ‘మనబడి మన బాధ్యత’ కార్యక్రమాన్ని స్ఫూర్తిగా తీసుకున్నామని రామరాజు పేర్కొన్నారు. ఈ కార్యక్రమంలో 10వ డివిజన్ కార్పొరేటర్ పిల్లి కృష్ణంరాజు యాదవ్, పాఠశాల ఉపాధ్యాయులు పాల్గొన్నారు.