రాజమండ్రి మేయర్ అభ్యర్థిగా రేలంగి శ్రీదేవిని ప్రకటించిన బీజేపీ

రాజమండ్రి మేయర్ ఎన్నికల్లో కూటమి తరఫున బీజేపీ సీనియర్ నేత రేలంగి శ్రీదేవిని అభ్యర్థిగా ప్రకటించారు. బీజేపీ రాష్ట్ర అధ్యక్షుడు పీవీఎన్ మాధవ్ ఈ పేరును ఖరారు చేశారు.

శ్రీదేవి 25 ఏళ్లుగా బీజేపీలో కొనసాగుతున్నారు. 2014 నుంచి 2019 వరకు కార్పొరేటర్‌గా పని చేశారు. మహిళా మోర్చా రాష్ట్ర అధ్యక్షురాలు, బీజేపీ రాష్ట్ర ఉపాధ్యక్షురాలిగా కీలక పదవులు నిర్వహించారు. ఆమె బీకాం వరకు చదువుకున్నారు. రేపు మేయర్ అభ్యర్థిగా నామినేషన్ దాఖలు చేయనున్నారు.

ఆంధ్రప్రదేశ్‌లో టీడీపీ, జనసేన, బీజేపీ కలిసి కూటమిగా ఎన్నికల్లో పోటీ చేస్తున్నాయి. ఈ ఎన్నికల్లో కూటమి తరఫున బీజేపీకి మూడు స్థానాలు కేటాయించారు. ఆ మూడు స్థానాలు రాజమండ్రి, కావలి, బాపట్ల.

కావలి మున్సిపల్ చైర్‌పర్సన్ అభ్యర్థిగా సీనియర్ నేత భరత్ కుమార్ యాదవ్ పేరును ఖరారు చేశారు. ఆయన గతంలో నెల్లూరు జిల్లా బీజేపీ అధ్యక్షుడిగా పని చేశారు. బాపట్ల మున్సిపల్ చైర్మన్ అభ్యర్థిగా సునీల్ కుమార్ పేరును ప్రకటించారు. ముగ్గురు అభ్యర్థులు రేపు నామినేషన్లు దాఖలు చేయనున్నారు.