తిరుపతి కపిలేశ్వరస్వామి ఆలయంలో నవగ్రహ శాంతి హోమం

తిరుపతి శ్రీ కపిలేశ్వరస్వామి ఆలయంలో కార్తీక మాస విశేష పూజల్లో భాగంగా నవగ్రహ శాంతి హోమం జరుగుతోంది. గణపతి పూజతో హోమం ప్రారంభమైంది.

తొమ్మిది గ్రహాలకు నవగ్రహ దేవతా హోమం నిర్వహిస్తున్నారు. ప్రతి గ్రహానికి తొమ్మిది రకాల ధాన్యాలు, తొమ్మిది వస్త్రాలు, తొమ్మిది సమిధలు, అన్నం సమర్పిస్తున్నారు. ఇది ఈ హోమం ప్రత్యేకత.

ప్రతి గ్రహానికి మూల మంత్రం, గాయత్రీ మంత్రం, వేద మంత్రంతో హోమం చేస్తున్నారు. భక్తులందరి గ్రహ దోషాలు తొలగి శుభంగా ఉండాలనే సంకల్పంతో ఈ హోమం చేపడుతున్నట్లు తెలిపారు.

తిరుమల తిరుపతి దేవస్థానం కార్తీక మాస విశేష పూజా హోమ మహోత్సవాల్లో భాగంగా ఈ నవగ్రహ హోమాన్ని నిర్వహిస్తోంది. ఆలయానికి వచ్చిన భక్తులు హోమాన్ని వీక్షిస్తున్నారు. రాలేని భక్తులు టీటీడీ వెంకటేశ్వర భక్తి ఛానల్ ద్వారా వీక్షించవచ్చని కోరారు.