తిరుచెందూర్ మురుగన్ ఆలయంలో సూరసంహారం: లక్షలాది భక్తుల తాకిడి

తమిళనాడులోని తిరుచెందూర్ మురుగన్ ఆలయంలో కంద షష్ఠి ఉత్సవాల్లో భాగంగా సూరసంహారం కార్యక్రమం జరుగుతోంది. ఈ ఉత్సవాన్ని చూడటానికి లక్షలాది మంది భక్తులు తరలివస్తున్నారు.

ఆరు రోజుల పాటు జరిగే కంద షష్ఠి ఉత్సవాలు నవంబర్ 10న ప్రారంభమయ్యాయి. ఈరోజు సాయంత్రం 4 గంటలకు సముద్ర తీరంలో సూరసంహారం జరుగుతుంది. సూరపద్ముడు అనే రాక్షసుడిపై మురుగన్ సాధించిన విజయానికి గుర్తుగా ఈ ఉత్సవం నిర్వహిస్తారు.

ఈ వేడుకకు సుమారు ఆరు లక్షల మంది భక్తులు హాజరవుతారని అధికారులు అంచనా వేస్తున్నారు. భక్తుల రద్దీని దృష్టిలో పెట్టుకుని సుమారు 5,000 మంది పోలీసు సిబ్బందితో భద్రత ఏర్పాటు చేశారు.

భక్తుల కోసం తాగునీరు, అన్నప్రసాద పంపిణీ, వైద్య సేవలు, ప్రత్యేక రవాణా సౌకర్యాలు కల్పించినట్టు అధికారులు తెలిపారు. కంద షష్ఠి ఉత్సవాలు రేపు మురుగన్ తిరుకల్యాణంతో ముగుస్తాయి.