రాజమండ్రి మున్సిపల్ ఎన్నికలు: రెండో రోజు నామినేషన్లు, మేయర్ అభ్యర్థిపై ఉత్కంఠ

గ్రేటర్ రాజమండ్రి మున్సిపల్ కార్పొరేషన్ ఎన్నికలకు నామినేషన్ల స్వీకరణ రెండో రోజు కొనసాగుతోంది. మొత్తం 72 డివిజన్లకు ఎన్నిక జరగనుంది.

కార్పొరేటర్ పదవులకు రాజమండ్రిలో 23 నామినేషన్ కేంద్రాలు ఏర్పాటు చేశారు. మేయర్ అభ్యర్థుల నామినేషన్లను మున్సిపల్ కార్యాలయంలో స్వీకరిస్తున్నారు.

మొదటి రోజు 19 నామినేషన్లు దాఖలయ్యాయి. ఇందులో TDP నుంచి 10, YSRCP నుంచి 4, Janasena నుంచి 1, BJP నుంచి 1, Congress నుంచి 1, ఇండిపెండెంట్ అభ్యర్థుల నుంచి 2 నామినేషన్లు వచ్చాయి. నామినేషన్ల గడువు రేపు మధ్యాహ్నం 3 గంటలకు ముగుస్తుంది. దీంతో చివరి రోజు నామినేషన్ల సంఖ్య పెరిగే అవకాశం ఉంది.

కూటమి పార్టీల మధ్య డివిజన్ల సర్దుబాటు దాదాపు కొలిక్కి వచ్చింది. Janasena 12 డివిజన్లలో పోటీ చేయనుంది. BJPకి కొన్ని డివిజన్లు కేటాయించినట్టు తెలుస్తోంది. మిగిలిన డివిజన్లలో TDP అభ్యర్థులు పోటీ చేయనున్నారు.

BJP మేయర్ అభ్యర్థి ఎవరనే విషయంపై ఇంకా స్పష్టత రాలేదు. మాజీ కార్పొరేటర్ రాలింగ్ శ్రీదేవి, IMA అధ్యక్షుడు డాక్టర్ పిడుగు విజయభాస్కర్ పేర్లు పరిశీలనలో ఉన్నట్టు తెలుస్తోంది. RSS నుంచి మాజీ బ్యాంక్ మేనేజర్ పేరు కూడా పరిశీలనలో ఉందని సమాచారం. YSRCP మాజీ ఆర్మీ ఉద్యోగి దాస్ వెంకట్రావును మేయర్ అభ్యర్థిగా ప్రకటించింది.

నామినేషన్ కేంద్రాల వద్ద పోలీస్ పికెటింగ్ ఏర్పాటు చేశారు. అభ్యర్థితో పాటు ఇద్దరిని మాత్రమే లోపలికి అనుమతిస్తున్నారు. మిగిలిన వారిని లోపలికి పంపడం లేదు.