నక్సలిజం ముగిసింది: జనజాతీయ గౌరవ దివస్‌లో ప్రధాని మోదీ కీలక వ్యాఖ్యలు

నక్సలిజం ముగిసిందని, గిరిజన సమాజాన్ని గత ప్రభుత్వాలు నిర్లక్ష్యం చేశాయని ప్రధాని నరేంద్ర మోదీ అన్నారు. మహారాష్ట్రలోని గడ్చిరోలిలో జరిగిన జనజాతీయ గౌరవ దివస్ కార్యక్రమంలో ఆయన ఈ మాట్లాడారు.

2014లో దేశంలో దాదాపు 125 జిల్లాలు మావోయిస్టు, నక్సల్ హింస బారిన పడ్డాయని, ఏటా వందలాది హింస ఘటనలు జరిగి వేలాది మంది అమాయకులు ప్రాణాలు కోల్పోయారని మోదీ తెలిపారు. ఈ మృతుల్లో ఎక్కువ మంది గిరిజన సోదర, సోదరీమణులేనని ఆయన పేర్కొన్నారు. నాడు అధికారంలో ఉన్న ప్రభుత్వాలు గిరిజనులను వారి విధి మీద వదిలేశాయని, వారి హక్కులు కాలరాశాయని, గిరిజనులను ఓటు వేయనివ్వలేదని ఆరోపించారు. మావోయిస్టులు పసిపిల్లలను, ఆడపిల్లలను ఎత్తుకుపోతున్నా ఎవరూ స్పందించలేదని ఆయన గుర్తు చేశారు.

నక్సలిజం అంతం అయిన తర్వాత గిరిజన తల్లులు, సోదరీమణులు తమను సురక్షితంగా భావిస్తున్నారని, బాల్యం కోల్పోయిన యువత ఇప్పుడు చదువు, ఉద్యోగ అవకాశాలతో ముందుకు వస్తున్నారని ప్రధాని చెప్పారు. ఒకప్పుడు ప్రజలు వెళ్లడానికి భయపడిన ఛత్తీస్‌గఢ్‌లోని బస్తర్ ప్రాంతంలో కొన్ని రోజుల క్రితం భద్రతా దళాలతో కలిసి దీపావళి జరుపుకున్నట్లు మోదీ వివరించారు. గడ్చిరోలితో సహా నక్సల్ ప్రభావిత ప్రాంతాల్లో ఈ దీపావళి దీపాలతో పాటు ఆశల వెలుగును కూడా ప్రజలకు చేర్చిందని ఆయన అన్నారు.

దేశ నాయకత్వం నేడు గిరిజన కుమార్తె అయిన రాష్ట్రపతి ద్రౌపది ముర్ము చేతుల్లో ఉందని, ఆమెపై దేశమంతా గర్వపడుతోందని మోదీ పేర్కొన్నారు. భగవాన్ బిర్సా ముండా స్ఫూర్తితో వికసిత భారత్ లక్ష్యాన్ని సాధించడానికి తమ శక్తిని వినియోగించాలని ఆయన పిలుపునిచ్చారు. ప్రతి ఏడాది నవంబర్ 15ను ఆసక్తిగా ఎదురుచూడాలని, బిర్సా ముండా జయంతి కంటే ముందు జనజాతీయ గౌరవ దివస్ ప్రాధాన్యం పొందాలని ఆయన కోరారు.