మహేష్ బాబు 'వారణాసి' రిలీజ్ డేట్ ఖరారు: 2027 ఏప్రిల్ 7న విడుదల

నటుడు మహేష్ బాబు నటిస్తున్న 'వారణాసి' సినిమా 2027 ఏప్రిల్ 7న థియేటర్లలో విడుదలవుతుంది. దర్శకుడు ఎస్.ఎస్. రాజమౌళి తెరకెక్కిస్తున్న ఈ సినిమా రిలీజ్ డేట్‌ను మేకర్స్ అధికారికంగా ఖరారు చేశారు.

గత కొన్ని రోజులుగా ఈ సినిమా వాయిదా పడుతుందని రకరకాల వార్తలు వచ్చాయి. ఆ వార్తలను ఖండిస్తూ మేకర్స్ తమ అధికారిక ఇన్‌స్టాగ్రామ్ బయోలో రిలీజ్ డేట్‌ను చేర్చారు. దీంతో వాయిదా ప్రచారానికి తెరపడింది.

ఏప్రిల్ 7న సినిమా విడుదలైతే జూన్ చివరి వరకు గ్లోబల్ బాక్స్ ఆఫీస్‌లో పెద్ద సినిమాల పోటీ ఉండదు. దాదాపు మూడు నెలల పాటు ఇంటర్నేషనల్ మార్కెట్‌లో ఈ సినిమాకు సోలో రన్ దొరికే అవకాశం ఉంది. తెలుగు, హిందీ భాషల్లోనూ ఆ సమయంలో పెద్ద ప్రాజెక్టులు లైనప్‌లో లేవు.

సమ్మర్ సీజన్‌లో మూడు నెలల పాటు పోటీ లేని విండో దొరకడం అరుదు. ఈ అవకాశాన్ని సరిగ్గా ఉపయోగించుకోవాలని టీమ్ భావిస్తోంది. ఏ పరిస్థితిలోనూ ఏప్రిల్ 7 తేదీని మార్చకూడదని వారణాసి టీమ్ నిర్ణయించింది.