కార్తీక మాసంలో బిజీ లైఫ్ ఉన్నవారికి సులభ పూజా చిట్కాలు

కార్తీక మాసంలో బిజీ జీవితం ఉన్నవారు కూడా చేయగల సులభమైన పూజా పద్ధతిని శర్మ వివరించారు. రోజూ ఉదయం స్నానం చేసిన తర్వాత దామోదరాయ నమః, త్రియంబకాయ నమః అనే రెండు నామాలు చెప్పడమే మొదటి అడుగు.

ఇంట్లో ఉన్న దేవుడి దగ్గర నువ్వుల నూనెతో ఒక దీపం, నెయ్యితో మరో దీపం వెలిగించాలి. ఈ నెల రోజుల్లో ఎప్పుడు వీలైతే అప్పుడు ఈ రెండు నామాలు చెప్పుకుంటూ దీపాలు వెలిగించవచ్చని ఆయన చెప్పారు.

నదులకు వెళ్లలేని వారు ఇంట్లో ఉన్న నదీ జలాన్ని తలపై చల్లుకోవచ్చు. ఇంటి పెద్దలు నదులకు వెళ్లినప్పుడు తీసుకొచ్చిన జలాన్ని ఇందుకు ఉపయోగించవచ్చని శర్మ తెలిపారు.

కార్తీక మాసం చివరి ఐదు రోజులను పంచపర్వాలు అంటారు. ఏకాదశి, ద్వాదశి, త్రయోదశి, చతుర్దశి, పౌర్ణమి ఈ ఐదు రోజులు ఈ కార్యక్రమాలు చేసుకుంటే మంచి ఆరోగ్యం, ఐశ్వర్యం కలుగుతాయని ఆయన చెప్పారు. కోరికలు తీరతాయని, ఇది కార్తీక దామోదరుని అనుగ్రహం అని ఆయన పేర్కొన్నారు.