కుప్పంలో 29 గ్రామ పంచాయతీల సర్పంచ్ ఎన్నికల నామినేషన్లు ప్రారంభం

చిత్తూరు జిల్లా కుప్పం మండలంలో 29 గ్రామ పంచాయతీల సర్పంచ్, వార్డు సభ్యుల ఎన్నికల నామినేషన్ల ప్రక్రియ ప్రారంభమైంది. మండలంలో మొత్తం 296 వార్డులు ఉన్నాయి. 29 గ్రామ పంచాయతీలను ఏడు క్లస్టర్లుగా విభజించారు.

క్లస్టర్లలో చందం, కంగుంది, మల్లానూరు, అడవిబూదుగూరు, చెకునాము, నడిమూరు, కృష్ణదాసంపల్లి ఉన్నాయి. నామినేషన్ల స్వీకరణకు ఏడు కేంద్రాలు ఏర్పాటు చేశారు. MPDO రాజేంద్ర ప్రసాద్ తెలిపిన ప్రకారం, ప్రతి క్లస్టర్‌లో RO, ARO, పంచాయతీ సెక్రెటరీలు ఉదయం 7 గంటల నుంచి హాజరవుతున్నారు.

నామినేషన్ కేంద్రాల్లో టెంట్లు, బారికేడ్లు, త్రాగునీటి వసతి కల్పించారు. భద్రత కోసం ఏడు క్లస్టర్లలో 72 మంది పోలీసు సిబ్బందిని అడిషనల్ SP డెప్లాయ్ చేశారు. నామినేషన్ కేంద్రాల వద్ద పోలీసులు బందోబస్తు ఏర్పాటు చేశారు.

మొదటి రోజు నామినేషన్ల ప్రక్రియ ప్రశాంతంగా కొనసాగుతోందని అధికారులు తెలిపారు. నామినేషన్ పత్రాలను ముందుగా స్క్రూటినీ చేస్తారు. అనంతరం ప్రిసైడింగ్ అధికారి వద్దకు పంపుతారు. ప్రస్తుతం ఏడు క్లస్టర్లలో సర్పంచ్, వార్డు సభ్యుల నామినేషన్ల స్వీకరణ కొనసాగుతోంది.