బ్లడ్ బ్యాంకుల్లో డోనర్ తప్పనిసరి కాదు: ప్రైవేట్ బ్యాంకులపై అధిక ధర ఆరోపణలు

ప్రైవేట్ బ్లడ్ బ్యాంకుల్లో రక్తం కొనడానికి డోనర్ తప్పనిసరి అనే నిబంధన లేదు. రక్తదానం పూర్తిగా స్వచ్ఛందంగా జరగాలి. రోగి దగ్గర డోనర్ తీసుకురావాలని ఏ బ్లడ్ బ్యాంక్ కోరకూడదు.

ప్రభుత్వ నిబంధనల ప్రకారం ప్రైవేట్ బ్లడ్ బ్యాంకులు ఒక యూనిట్ రక్తాన్ని ₹1550 మాత్రమే చార్జ్ చేయాలి. ప్రభుత్వ బ్లడ్ బ్యాంకుల్లో ధర ₹150 నుంచి ₹200 తక్కువగా ఉంటుంది. అయితే విజయవాడ సూర్యరావుపేట ప్రాంతంలోని కొన్ని ప్రైవేట్ బ్లడ్ బ్యాంకులు ₹1700 నుంచి ₹2000 వరకు వసూలు చేస్తున్నట్టు ఆరోపణలు ఉన్నాయి.

వీటితో పాటు రోగి వెంట డోనర్ తీసుకురావాలని బలవంతం చేస్తున్నారని తెలుస్తోంది. దీనివల్ల ఒక యూనిట్ రక్తం కోసం రోగి ₹4000 వరకు ఖర్చు చేయాల్సి వస్తోందని సమాచారం. ఇది ప్రభుత్వ నిబంధనలకు విరుద్ధం.

ప్రైవేట్ బ్లడ్ బ్యాంకులు ఏటా 30 నుంచి 40 శాతం రక్తదాన శిబిరాలు నిర్వహించాలి. సేకరించిన రక్తంలో 30 శాతం ప్రభుత్వ ఆసుపత్రులు, బ్లడ్ బ్యాంకులకు ఉచితంగా ఇవ్వాలి. తలసేమియా, క్యాన్సర్ రోగులకు రక్తం ఉచితంగా అందించాలి. కానీ కొన్ని బ్యాంకులు ఈ నిబంధనలు పాటించడం లేదనే ఆరోపణలు ఉన్నాయి.

తలసేమియా రోగులకు ప్రతి 15 రోజులకు ఒకసారి రక్తం మార్పిడి అవసరం. ఈ నేపథ్యంలో బ్లడ్ బ్యాంకులపై అధికారులు ఎప్పటికప్పుడు తనిఖీలు చేయాలన్న డిమాండ్ వినిపిస్తోంది. ప్రజలు ప్రభుత్వ నిబంధనలపై అవగాహనతో ఉండాలని సూచనలు ఉన్నాయి.