విశాఖ రుషికొండ బీచ్‌లో బోటు ఒడ్డుకు కొట్టుకొచ్చింది

విశాఖపట్నం రుషికొండ బీచ్‌లో ఓ బోటు సముద్రం నుంచి ఒడ్డుకు కొట్టుకొచ్చింది. సముద్ర అలల తీవ్రత పెరగడం వల్ల బోటు ఒడ్డుకు చేరిందని స్థానికులు అంచనా వేస్తున్నారు. వరుసగా వచ్చిన తుఫానుల ప్రభావంతో అలలు పెరిగినట్లు వారు చెబుతున్నారు.

ఇటీవల తుఫాను సమయంలో అంతర్వేది సమీపంలో సల్ఫర్ కార్గో షిప్ ఒడ్డుకు కొట్టుకొచ్చిన ఘటన కూడా జరిగింది. ఈ నేపథ్యంలో రుషికొండ తీరంలో మరో బోటు కనిపించడం చర్చనీయాంశంగా మారింది.

ఈ బోటు ఎవరిది, ఎక్కడి నుంచి వచ్చింది, సముద్రంలో ఏదైనా ప్రమాదం జరిగిందా అనే విషయాలపై అధికారులు దర్యాప్తు చేస్తున్నారు.