పెద్దపల్లి జిల్లా మంథనిలో బొక్కలవాగు ఆధునీకరణకు శంకుస్థాపన

పెద్దపల్లి జిల్లా మంథని పట్టణంలో బొక్కలవాగు ఆధునీకరణ పనులకు మంత్రి శ్రీధర్ బాబు శంకుస్థాపన చేశారు. కోకాకోలా కంపెనీ సీఎస్ఆర్ నిధులతో ఈ పనులు జరగనున్నాయి.

దాదాపు రెండు కోట్ల రూపాయల వ్యయంతో సిల్ట్ తొలగింపు, నడక దారులు, చిన్న పార్కు, వ్యాయామశాల వంటి సౌకర్యాలు ఏర్పాటు చేస్తారు. పిల్లలు, వృద్ధులు, వికలాంగుల కోసం ఈ ప్రాంతాన్ని అభివృద్ధి చేస్తామని మంత్రి తెలిపారు.

గతంలో 2012లోనే ఈ పనులకు అనుమతి లభించినట్లు మంత్రి వివరించారు. కార్యక్రమంలో కోకాకోలా సంస్థ ప్రతినిధులు అవినాష్, హిమాంషి, ముకుంద్ లు పాల్గొన్నారు.