బోనాల వేడుకల్లో న్యూ గంగానగర్, కార్వాన్‌లో ఘటాల ఊరేగింపు

హైదరాబాద్‌లో బోనాల పండుగ సందర్భంగా న్యూ గంగానగర్, కార్వాన్ ప్రాంతాల్లో ఘటాల ఊరేగింపు నిర్వహించారు. ఆషాఢ మాసంలో జరిగే ఈ వేడుకల్లో అమ్మవారి ఘటాలు ఇంటింటికీ తిరుగుతాయి.

భక్తులు ఇంటి ముందు అమ్మవారికి చాక పోయడం, కొబ్బరికాయ కొట్టడం, పసుపు వేపాకులు సమర్పించడం వంటి సంప్రదాయాలు పాటించారు. ఇంటికి తీసుకొచ్చిన ఘటానికి బియ్యాలు సమర్పించారు. చంటి పిల్లలు, వృద్ధులు గుడికి వెళ్లలేని కుటుంబాల కోసం అమ్మవారే ఘటం రూపంలో ఇంటికి వస్తారని భక్తుల నమ్మకం.

కార్వాన్‌లో దర్బార్ మైసమ్మ ఆలయ ఘటం ఊరేగింపు జరిగింది. ఘటాన్ని ఎత్తుకునే సంప్రదాయం తాత, తండ్రుల నుండి వారసత్వంగా వస్తోందని స్థానికులు తెలిపారు. పొద్దున తొమ్మిది నుండి రాత్రి పది వరకు ఘటం ఇంటింటికీ తిరుగుతుంది.