గోల్కొండలో బోనాల వేడుకలు ప్రారంభం; భక్తులు పెద్దఎత్తున హాజరు

గోల్కొండ కోటలోని జగదాంబిక మహంకాళి అమ్మవారికి తొలి బోనం సమర్పించడంతో బోనాల వేడుకలు ఘనంగా మొదలయ్యాయి.

కుమ్మరి సంఘం సంప్రదాయం ప్రకారం ఉదయం ఆరు గంటలకు తొలి బోనం సమర్పించారు. తర్వాత 516 మంది మహిళలు బోనాలు తీసుకుని ఊరేగింపుగా వెళ్లి అమ్మవారికి సమర్పించారు.

వేడుకల కోసం ఉత్సవ కమిటీ ప్రత్యేక ఏర్పాట్లు చేసింది. వైద్య శిబిరాలు, నీటి సరఫరా, కంట్రోల్ రూమ్, పోలీస్ బందోబస్తు, సీసీటీవీ కెమెరాలు ఏర్పాటు చేశారు. భక్తులకు మార్గం వెంట అన్నదానాలు చేపట్టారు.

కోకాపేట ప్రాంత ప్రజలు సుమారు 3500 మందికి భోజనం సిద్ధం చేశారు. నెల రోజుల పాటు ఆషాడ మాసంలో ఈ బోనాల సందడి కొనసాగుతుంది.