ఖమ్మం: 9వ తరగతి విద్యార్థిపై పీఈటీ టీచర్ దాడి, తల్లిదండ్రుల ఆందోళన

ఖమ్మం జిల్లా కొనిజర్ల మండలం తనికళ్ళలోని మహాత్మా జ్యోతిబా ఫూలే గురుకుల పాఠశాలలో పీఈటీ భాస్కర్ 9వ తరగతి విద్యార్థి ఉదయ్‌కిరణ్‌పై దాడి చేసిన సంఘటన వెలుగులోకి వచ్చింది.

విద్యార్థి ఇచ్చిన సమాచారం ప్రకారం, పక్కనే ఉన్న మైనారిటీ పాఠశాలకు చెందిన ఒక విద్యార్థి తనను ఉద్దేశించి వ్యాఖ్యలు చేస్తున్నాడని పీఈటీ టీచర్‌కు చెప్పగా, ఆ టీచర్ తనను చితక్కొట్టాడు. 'ఎందుకు కొడుతున్నారు' అని అడిగినా ఆపకుండా, తన్నాడు. ఆ తర్వాత పుస్తకాలు, దుస్తులు ఇచ్చి ఇంటికి పంపించేశాడు.

ఈ ఘటనపై విద్యార్థి తల్లిదండ్రులు తీవ్ర ఆగ్రహం వ్యక్తం చేశారు. టీచర్ భాస్కర్‌పై వెంటనే కఠిన చర్యలు తీసుకోవాలని డిమాండ్ చేశారు. స్థానిక విద్యాశాఖ అధికారులు ఈ విషయంపై దర్యాప్తు చేయాలని పేర్కొన్నారు.