KPHB కాలనీలోని శ్రీ పోచమ్మ ఆలయంలో ఆషాఢ మాసం చివరి ఆదివారం బోనాల ఉత్సవాలు

KPHB కాలనీలోని శ్రీ పోచమ్మ ఆలయంలో ఆషాఢ మాసం చివరి ఆదివారం బోనాల ఉత్సవాలు నిర్వహించారు. ఉదయం నుంచే పెద్ద సంఖ్యలో భక్తులు ఆలయానికి తరలివచ్చారు.

అమ్మవారికి ప్రత్యేక పూజలు, అభిషేకాలు చేశారు. దేవతా మూర్తిని సర్వాలంకార భూషితంగా అలంకరించారు. ఆలయాన్ని పూలు, విద్యుత్ దీపాలతో అలంకరించారు.

ఆలయ కమిటీ నిర్వాహకులు సత్యనారాయణ రాజు, రాంబాబు నాయుడు ఆధ్వర్యంలో భక్తుల కోసం త్రాగునీరు, అన్నప్రసాద కార్యక్రమాలు ఏర్పాటు చేశారు.

సాయంత్రం అమ్మవారి ఊరేగింపు పురవీధుల్లో నిర్వహించారు. ఊరేగింపు సందర్భంగా పలు సాంస్కృతిక కార్యక్రమాలు ఏర్పాటు చేశారు.