టీఎన్జీఓఎస్ కాలనీలో ఘనంగా బోనాల పండగ

హైదరాబాద్‌లోని గజ్బౌలి టీఎన్జీఓఎస్ కాలనీలో ఆషాఢ మాసం సందర్భంగా బోనాల పండగను ఘనంగా నిర్వహించారు. స్థానిక అమ్మవారి ఆలయంలో మహిళలు పెద్ద సంఖ్యలో బోనాలు సమర్పించారు.

తెలంగాణ గవర్నమెంట్ విమెన్ పెన్షన్ అసోసియేషన్ అధ్యక్షురాలు ఉమాదేవి మాట్లాడుతూ, బోనాలు తెలంగాణ సంస్కృతి, సాంప్రదాయాలకు ప్రతీక అని అన్నారు. అమ్మవారి దయతో అందరూ సుభిక్షంగా ఉండాలని ఆకాంక్షించారు.

కార్యక్రమంలో పోతరాజుల వేషాలు, సాంస్కృతిక ప్రదర్శనలు ఆకట్టుకున్నాయి. నరసింహ రెడ్డి నేతృత్వంలో ప్రతి ఏటా ఈ ఉత్సవాలు జరుగుతాయని నిర్వాహకులు తెలిపారు. కాలనీలో సుమారు రెండు వేల కుటుంబాలు నివసిస్తున్నాయని, అమ్మవారి ఆలయం పురాతనమైనదని, ఇటీవల దాన్ని అభివృద్ధి చేశామని ఆయన వివరించారు.