ముంబై-అహ్మదాబాద్ బుల్లెట్ ట్రైన్.. 2027 ఆగస్టులో పాక్షిక ప్రారంభం

దేశంలో మొదటి బుల్లెట్ ట్రైన్ ముంబై-అహ్మదాబాద్ సబర్మతి మార్గంలో 2027 ఆగస్టు నాటికి పాక్షికంగా ప్రారంభం కానుంది.

నేషనల్ హై స్పీడ్ రైల్ కార్పొరేషన్ లిమిటెడ్ (NHSRCL) తొలి దశలో వాపి, బిలిమోరా, సూరత్ మధ్య 98 కిలోమీటర్ల హై స్పీడ్ కారిడార్‌ను అందుబాటులోకి తేవనుంది. ఈ మార్గంలో రెండు బుల్లెట్ రైళ్లు నడుపుతారు.

2027 డిసెంబర్ నాటికి వాపి నుంచి సబర్మతి వరకు 352 కిలోమీటర్ల మార్గం పూర్తి చేయనున్నారు. 2028 డిసెంబర్ నాటికి థానే–సబర్మతి మధ్య 492 కిలోమీటర్ల కారిడార్ అందుబాటులోకి వస్తుంది.

2029 డిసెంబర్ వరకు ముంబై నుంచి సబర్మతి వరకు మొత్తం 508 కిలోమీటర్ల పూర్తిస్థాయి మార్గాన్ని ప్రారంభించాలన్నది NHSRCL లక్ష్యం. ఈ ప్రాజెక్టుపై రైల్వే శాఖ బుల్లెట్ ట్రైన్ చిత్రాన్ని విడుదల చేసింది.