TPT చార్జీలు ఇవ్వడంలో ప్రభుత్వం నిర్లక్ష్యం చేసిందని కంటోన్మెంట్ మాజీ వైస్ చైర్మన్ రామకృష్ణ ఆరోపణ

సికింద్రాబాద్ కంటోన్మెంట్ బోర్డుకు చెల్లించాల్సిన TPT చార్జీలు ఇవ్వడంలో గత ప్రభుత్వంతో పాటు ప్రస్తుత సర్కార్ కూడా నిర్లక్ష్యం వహించిందని కంటోన్మెంట్ మాజీ వైస్ చైర్మన్ రామకృష్ణ తీవ్ర ఆరోపణలు చేశారు. తెలంగాణ స్టేట్ ఫైనాన్స్ సెక్రెటరీ సందీప్ సుల్తానియా రేపు కోర్టుకు హాజరు కావాలని ఆదేశాలు వెలువడ్డాయని ఆయన వెల్లడించారు. గతంలో వసూలు చేసిన 300 కోట్లు, ప్రస్తుతం వస్తున్న 80 కోట్లు కంటోన్మెంట్ అభివృద్ధికి ఉపయోగపడుతున్నాయని రామకృష్ణ పేర్కొన్నారు. సికింద్రాబాద్ కంటోన్మెంట్ బోర్డు అనే వ్యవస్థ తనతో సహా అనేకమంది నాయకులకు గుర్తింపు తీసుకొచ్చిందని ఆయన స్పష్టం చేశారు. నేటికీ నిధులు లేక ఆ సంస్థ ఇబ్బందులు పడుతోందని, KCR గారు గానీ ప్రస్తుత CM రేవంత్ రెడ్డి గారు గానీ కంటోన్మెంట్ అభివృద్ధికి ఒక్క రూపాయి కూడా ఇవ్వడం లేదని రామకృష్ణ ఆవేదన వ్యక్తం చేశారు. ఈ నేపథ్యంలో TPT చార్జీల వసూలు కోసం తాము మళ్ళీ కోర్టును ఆశ్రయించాల్సి వచ్చిందని, కోర్టు నుండి చాలా సీరియస్ ఆర్డర్ వచ్చిందని ఆయన తెలిపారు.