SMAM పథకం కింద ట్రాక్టర్లు, డ్రోన్లపై 40-50% సబ్సిడీ: కేంద్రం

కేంద్ర ప్రభుత్వం ‘సబ్-మిషన్ ఆన్ అగ్రికల్చర్ మెకనైజేషన్’ (SMAM) పథకం కింద రైతులకు ట్రాక్టర్లు, డ్రోన్లు, వ్యవసాయ పరికరాలపై 40 నుంచి 50 శాతం సబ్సిడీ అందిస్తోంది. కొన్ని పరికరాలకు 100 శాతం సబ్సిడీ కూడా లభిస్తుంది.

ఎస్సీ, ఎస్టీ, చిన్న/సన్నకారు, మహిళా రైతులకు 50 శాతం సబ్సిడీ ఇవ్వగా, ఇతర కేటగిరీల వారికి 40 శాతం సబ్సిడీ ఉంటుంది. వ్యవసాయంలో డ్రోన్ల వాడకాన్ని ప్రోత్సహించేందుకు రూ.5 లక్షల వరకు సబ్సిడీ ప్రకటించింది. కొన్ని ప్రత్యేక పరికరాలపై గరిష్టంగా రూ.10 లక్షల వరకు 100 శాతం సబ్సిడీ ఇస్తారు.

అర్హతలు: 18 నుంచి 60 ఏళ్ల లోపు వయస్సు, సొంత వ్యవసాయ భూమి ఉండాలి. గత ఏడేళ్లలో ఈ పథకం కింద ట్రాక్టర్ కొనుగోలు చేసి ఉండకూడదు. ఆధార్ కార్డు, బ్యాంక్ పాస్‌బుక్, కుల ధృవీకరణ పత్రం, పాస్‌పోర్ట్ సైజు ఫోటోలు సమర్పించాలి.

దరఖాస్తు ప్రక్రియ: మీసేవ లేదా కామన్ సర్వీస్ సెంటర్ల (CSC) ద్వారా, లేదా అగ్రీ మిషనరీ వెబ్‌సైట్‌లో ఆన్‌లైన్‌లో దరఖాస్తు చేసుకోవచ్చు. పూర్తి వివరాలు వెబ్‌సైట్‌లో చూడవచ్చు.