మహాగని సాగుతో రైతులకు ప్రత్యామ్నాయ ఆదాయం

ఏలూరు జిల్లా జంగారెడ్డిగూడెం మండలం నరసన్నపాలెం గ్రామానికి చెందిన రైతు తూము శ్రీనివాసరావు మహాగని సాగు ద్వారా ప్రత్యామ్నాయ ఆదాయం పొందుతున్నారు. ఆయన ఇతర దేశాల నుంచి విత్తనాలు దిగుమతి చేసుకుని నర్సరీ నిర్వహిస్తున్నారు.

మహాగని కలపకు సంగీత వాయిద్యాలు, విగ్రహాల తయారీ, పడవలు, అలంకార వస్తువుల్లో మంచి డిమాండ్ ఉంది. ఈ చెట్లు నాటిన 6 నుంచి 12 ఏళ్లలో కోతకు వస్తాయి. వీటి కలప నీటిలో నానదు, చెదలు పట్టదు. ఎకరానికి 600 నుంచి 1000 మొక్కలు నాటవచ్చు.

శ్రీనివాసరావు తయారు చేసిన మొక్కలను ఏడాది లోపు మొక్క రూ.20, రెండేళ్ల మొక్క రూ.40 ధరకు సరఫరా చేస్తున్నారు. ప్రకాశం జిల్లా వినుకొండ, కనిగిరి ప్రాంత రైతులు, రియల్ ఎస్టేట్ వ్యాపారులు, కర్మాగారాలు ఈ మొక్కలను కొనుగోలు చేస్తున్నాయి. కాలుష్య నియంత్రణ కోసం ఫ్యాక్టరీలు, లేఅవుట్ల చుట్టూ ఈ చెట్లను నాటుతున్నారు.

కార్బన్ క్రెడిట్స్ సంస్థల ద్వారా రైతులకు మొక్కలు ఉచితంగా కూడా లభిస్తున్నాయి. తొలి ఏడాదిలో మిరప, బంతి, గుమ్ముడు వంటి అంతర పంటలు వేసుకోవచ్చు. ‘ఇప్పటికే నాటిన మొక్కలు బాగా ఎదుగుతున్నాయి, రైతులు సంతోషంగా ఉన్నార’ని శ్రీనివాసరావు తెలిపారు.