పల్నాడు జిల్లాలో 4,000 మందికి ₹332 కోట్ల రుణాలు పంపిణీ చేసిన సీఎం చంద్రబాబు

ఏపీ ముఖ్యమంత్రి నారా చంద్రబాబు నాయుడు పల్నాడు జిల్లాలో మెగా క్రెడిట్ అవుట్రీచ్ ప్రోగ్రామ్ నిర్వహించారు. ఈ కార్యక్రమంలో 4,000 మంది లబ్ధిదారులకు ₹332 కోట్ల రుణాలు పంపిణీ చేశారు. కేంద్ర ఆర్థిక మంత్రి నిర్మలా సీతారామన్ ఈ కార్యక్రమంలో పాల్గొన్నారు.

చంద్రబాబు మాట్లాడుతూ అర్హులైన వారికి రుణాలు అందించడమే ప్రభుత్వ లక్ష్యంగా పేర్కొన్నారు. బ్యాంకులు ప్రజల దగ్గరకే వెళ్లి రుణాలు ఇవ్వడం గర్వకారణమన్నారు. పల్నాడు జిల్లాలో మొత్తం 5 లక్షల మందికి రుణాలు అందించే లక్ష్యంతో కృషి చేస్తున్నట్లు తెలిపారు. ప్రతి కుటుంబంలో ఐదుగురిని లెక్కిస్తే ఈ కార్యక్రమం ద్వారా 5 లక్షల మందికి లబ్ధి చేకూరుతుందని వివరించారు.

గత YSRCP ప్రభుత్వ పాలనలో ఆర్థిక విధ్వంసం జరిగిందని, ప్రజలు వడ్డీ వ్యాపారస్తుల వల్ల ఇబ్బందులు పడ్డారని ఆయన విమర్శించారు. ఇప్పుడు బ్యాంకులు చొరవ చూపుతున్నాయని, క్రెడిట్ అవుట్రీచ్ వల్ల ప్రైవేట్ లెండింగ్ నిలిచిపోతుందని అభిప్రాయపడ్డారు.

పల్నాడు జిల్లాలో పారిశ్రామిక విప్లవం రావాలని, పేదరికం నిర్మూలించాలని, 2047 నాటికి ‘స్వర్ణాంధ్రప్రదేశ్’ లక్ష్యంగా ప్రభుత్వం పని చేస్తోందని చంద్రబాబు తెలిపారు.