జూలై 1 నాటికి విబిజి రాంజీ చట్టం అమలుపై కేంద్రం వేగం

జూలై 1 నుంచి అమల్లోకి రానున్న విబిజి రాంజీ చట్టం అమలు వేగవంతం చేశారు. మంగళవారం ఢిల్లీలోని కర్తవ్య భవన్లో 18 కేంద్ర మంత్రిత్వ శాఖల ప్రతినిధులతో ఉన్నత స్థాయి సమీక్ష సమావేశం జరిగింది.

గ్రామీణ అభివృద్ధి శాఖ కార్యదర్శి రోహిత్ కౌన్సల్ అధ్యక్షతన జరిగిన ఈ సమావేశంలో ముసాయిదా కన్సర్వెంట్ ఫ్రేమ్‌వర్క్ గురించి చర్చించారు. పంచాయతీ రాజ్ శాఖ నేతృత్వంలో క్షేత్ర స్థాయి నుంచి ప్రణాళికలు రూపొందించి అన్ని పథకాలను సమన్వయం చేస్తూ ఈ కొత్త విధానాన్ని అమలు చేయనున్నారు.

గ్రామీణ ప్రాంతాల్లో నీటి భద్రత, జీవనోపాధి అవకాశాలు, మౌలిక సదుపాయాలు, వాతావరణ మార్పుల తట్టుకునే శక్తి, స్థానిక ఆర్థిక అభివృద్ధి ఈ చట్టం ప్రధాన లక్ష్యాలని కార్యదర్శి రోహిత్ కౌన్సల్ తెలిపారు. స్థానిక ప్రజల భాగస్వామ్యంతో వికసిత గ్రామ పంచాయతీ ప్రణాళిక తయారు చేసి గ్రామసభ ద్వారా ఆమోదింపజేయనున్నారు. దీని వల్ల స్థానిక అవసరాలకు అనుగుణంగా కేంద్ర, రాష్ట్ర ప్రభుత్వాల నిధులు వాడుకోవడానికి వీలవుతుంది.

ఈ పథకం పరిధిలో సహజ వనరుల నిర్వహణ, నీటి పారుదల, గ్రామీణ రోడ్ల అనుసంధానం, కమ్యూనిటీ ఇన్ఫ్రా వంటి రంగాల్లో 318 రకాల పనుల తాత్కాలిక జాబితా విడుదల చేశారు. జూలై 1 నుంచి చట్టం పూర్తిస్థాయిలో అమల్లోకి వస్తుంది.