ఏపీ సీఎం చంద్రబాబు: అభివృద్ధి అంటే ప్రజల జీవితాల్లో మార్పు

ప్రజల జీవితాల్లో మార్పు వస్తేనే అభివృద్ధి అని ఆంధ్రప్రదేశ్ ముఖ్యమంత్రి చంద్రబాబు నాయుడు ఎక్స్ వేదికగా ట్వీట్ చేశారు. ఈ విషయాన్ని ఆయన తన ఎక్స్ ఖాతాలో పోస్ట్ చేశారు.

1990లలో టెక్నాలజీ ఎకోసిస్టం నిర్మించి మారుతున్న ఆర్థిక వ్యవస్థకు కొత్త అవకాశాలు కల్పించామని చంద్రబాబు నాయుడు పేర్కొన్నారు. ప్రస్తుతం దశాబ్దాలుగా నీటి కోసం ఎదురుచూస్తున్న చివరి ఆయకట్టు రైతులకు నీరు అందించడం ప్రధాన లక్ష్యమని ఆయన స్పష్టం చేశారు.

పిక్సెల్స్ అయినా పైపులయినా లక్ష్యం ఒకటేనని చంద్రబాబు నాయుడు తెలిపారు. సమస్యల పరిష్కారం, జీవన ఉపాధి బలోపేతం తమ లక్ష్యమని చెప్పారు. ఆంధ్రప్రదేశ్ లో ప్రతి కుటుంబానికి మెరుగైన భవిష్యత్తు నిర్మించడమే లక్ష్యమని ఆయన రాశారు.

“నా ప్రజా జీవితం ఒక స్థిరమైన నమ్మకంతో నడిచింది. అభివృద్ధి చివరకు ప్రజల రోజువారీ జీవితాలను మెరుగుపరచాలి” అని ఆయన పోస్టులో రాశారు.